Fréttir

Spilað í kvöld 12.9.2009

2009-03-12T08:09:00.004+01:00

.
Já það er komið að því. Í kvöld munum við nokkrir Kiddar taka í spil í Rauðabóli (heima hjá Krissa Rauða). Líklega verður Puerto fyrir valinu en kannski Gangsters? Hvur veit; eitt er þó víst, Freysinn mun bera sigur af hólminum. BJór! Jú jú eitthvað verður nú af honum þarna. Ég kem amk með nIcebrew Monks Dirty Little Secret og nIcebrew Three Headed Monster Ale nammi namm. Það vantar Abba krúsahellir í kvöld því karlinn er að hella niður bjór í Köben. Við sjáum hann vonandi fljótt aftur, þ.e.a.s ef hann verður ekki skotinn í þessu bandauppgjöri hjá þeim...hann líkist jú dálítið rokkara. Jabb svona er nú það.

GAME ON!

2009-01-20T20:40:00.002+01:00

Já loksin loksins....smá líf í spilaklúbbinn okkar hérna. Það er spil í kveld...fyrsta spil ársins 2009 og verður það heima hjá Abbanum. Við mætum held ég ég, Rúnar, Þór, Abbi og Alti. Krissi mátti ekki vera með, þetta var ekki rautt kvöld. En já spilið verður Puerto Rico, eitthvað sem ég er fyrir löngu búinn að gleyma. Ég ætla samt að vinna...það verður lítið mál og drekka heil ósköp af öli, já það má, ég er búinn með önnina mína og er í fríi :) 11. önn (næst siðasta helvítis önnin) hefst ekki fyrr en á mánudaginn 26. Nóg um það GAME ON!

Voða lítið að gerast!

2008-11-12T09:15:00.003+01:00

.
Það er svo sem ekki mikil hreyfing á þessari síðu, ég held að eftir að Óli flutti heim á klakan að þá hafi þessi síða dáið. Það var í raun bara ég og Óli sem nenntum að skrifa eitthvað inn hérna. En smá update, við erum sko aldeilis ekki hættir að spila ooonei. Við erum reyndar ekki búnir að spila Catan í laaangan tíma, nei nú eru komin ný spil eins og Puerto Rico sem við reyndar vorum farnir að spila fyrir nokkru síðan og svo nýja spilið King of Chicago sem er alveg ljómandi skemmtilegt spil. Já svona er nú það, núna á föstudaginn 14.11.2008 munum við svo endurvekja Catan heima hjá Freysanum. Úff það verður spennandi að sjá hvort maður muni reglurnar.

Hið illa sigrar að lokum

2008-04-20T06:59:00.004+02:00

.
Já það var spilað í Kristianíu um daginn. Við vorum saman komnir 5 kátir karlar, strákurinn sem hér ritar, Krissi mótshaldari, Vigfús hinn illi, Atli hinn ungi og svo Bjarne hinn danski. Þetta var bara nokkuð gaman en tiltölulega fyrirsjáanlegt eða hvað? Heheh Atli og Freysi náðu sér aldrei í stórar 10 byggingar á meðan Krissi og Bjarne náðu sér í tvær slíkar. Vigfús tók eina en það sem bjargaði honum var svo að það hús var stigahúsið (auka stig f hver 4 stig í borði). Þegar leið á spilið kom fljótt í ljós að Krissi var enn og einu sinni að klikka með sína sömu gömlu strategíu, ekkert að gerast. Bjarne var alveg lost og Vigfús vissi bara ekkert hver myndi vinna...samt var karlinn með turn af stigum sem bar við himinn og lá við að riðaði til falls. Sá skaut á að Krissi eða Bjarne hefðu þetta að lokum. Raunin var svo sú að hið illa sigraði að sjálfsögðu. Bjarne endaði á botninum m 49 stig á meðan Atli og Freysinn, húsleysingjarnir náðu flestum stigum í borði eða um 27 stig ca. En já skemmtilegt spil, saknaði samt dálítið bullsins og auðvitað sullsins hans Abba hinum aldna, bassans í Rúna litla og svo auðvitað drykkjufélagans Óla öl!

La Granja gleði

2008-04-06T11:15:00.003+02:00

"Allir komu þeir aaaaaftur og enginn þeirra dó". Já, það er ekki dauð stund hérna í Baunaveldinu, gríðalegur tími aflögu sem maður hreinlega verður að eyða í spil. Að þessu sinni hittust drengirnir hjá Atla. Undirritaður, Abbi og Krissi mættu líka. Abbi var sjóðheitur frá síðasta spili og ætlaði nú aldeilis að negla þetta núna. Krissi var líka orðinn pirraður á gengi síðustu spila, Atli kom ferskur inn eftir góða pásu. Abbi lagði upp með svipaða strategíu og síðast, einokaði sykurinn og sigldi eins og vindurinn. Atli nældi sér í hacienda, ætlaði aldeilis að virkja hvern fermeter af eyjunni sinni. Undirritaður reyndi aftur við fjölbreytileikann, en hann virkaði engan veginn síðast. Krissi tók markaði...minnir mig ;) Þetta spil var mjög spennandi, langt og mikið að gerast í því. Abba gekk ansi vel og hann náði að hala inn mikið af stigum. Að lokum náði hann að kaupa VP bygginguna og þá var nokkuð ljóst hver myndi ná að sigra. Abbi endaði spilið með heil 67 stig, hvorki minna né meira og það er nýtt Puerto Rico heimsmet í litla samfélaginu okkar. Krissi náði í annað sætið með 50+ stig, Atli kom næstur en undirritaður endaði í síðasta sæti. En stemningin var svo gríðarlega góð hjá Atla að við skelltum bara í nýtt spil.
Núna er minnið eitthvað að bresta hjá mér, skil það nú ekki alveg, en það gæti eitthvað tengst drykkjarvörunum sem voru á boðstólum ;)
Til að gera langa sögu stutta þá vann undirritaður frekar stutt og tíðindalítið spil. Hann tók tvær stórar byggingar og endaði með 51 stig. Aðrir fengu frekar lítið af stigum og Abbi hundskammaði Krissa fyrir að ná ekki einu sinni 40 stigum.
Að þessu sinni mættu menn með alvöru "kalla".
Krissi mætti með Bøgedal no. 121 og Menabrea Strong Ale. Atli tók einn Nørrebro Påske Bock og galdraði svo fram einn unaðslegan La Granja Stout frá sama brugghúsi. Abbi tók einn Århus Bryggeri Jólabjór og svo Bornholm Svaneke Porter.
Skemmtilegt kvöld, frábærir bjórar og gríðargóðar veitingar.

Freysi strikes and scores!

2008-04-06T10:50:00.002+02:00

Koma tímar, koma ráð, kemur tími til að spila Puerto Rico. Í híbýlum Krissa hittust þeir Vigfús, R. Freyr, Arnbjörn, undirritaður og húsbóndinn. Fullt út úr dyrum og spennan magnþrungin. Undirritaður fékk að hefja leik enda vann hann tvíhöfðann ógurlega síðast. Leikar hefjast. Freysinn birgir sig upp af korni og nældi sér einnig í tóbak. Húsbóndinn lagði upp með vel þekkta strategíu, stór og lítill markaður og seinna office. Arnbjörn spilaði sig heimskann og sagðist ekkert vita hvað hann væri að gera en hann átti ógrynni af sykri og gekk vel að koma þeim í skip. Vigfús var hugsi en náði engu að síður að koma sér í góða stöðu og reyndi að koma Freysalingnum úr jafnvægi með því að fá Hattrick SMS á 2,38485 nanósekúndu fresti en þau komu af stað taugaboðum frá miðtaugakerfinu í Freysa upp í heila og hreinsuðu út alla rökhugsun sem hann hafði geymt þar uppi. Undirritaður lagði upp með fjölbreytileika í huga, framleiða mörg mismunandi hráefni, kaupa factory og klára spilið, það gekk hinsvegar ekki upp. Það var ljóst að Abbi og Freysi fengu langflest stig þó svo að Freysi hefði verið tregur að játa það, benti á Abba og sagði að hann væri með mun fleiri stig. Þegar að spilið var að verða búið nældi Freysi í VP bygginguna og endaði spilið með flest stig, 58 en Vigfús kom næstur með 54. Hann hafði því miður ekki mikinn tíma til að fagna þessum áfanga, þurfti að þjóta heim til að sinna konu og börnum. Abbi náði ekki að kaupa stóra byggingu en hefði annars getað unnið þetta spil. Loksins gekk strategían hans Freysa upp, sigla með ógrynni af korni, alls ekki galið.
Það var nú ekki drukkið svo mikið af öli þetta kvöldið, undirritaður mætti með St. Landelin páska, Arnbjörn tók GB Saison páska, húsbóndinn fékk sér Menabrea en Vigfús sat hjá og Freysi fór á sopafyllerí.

Hygge i tårnet

2008-03-21T10:56:00.002+01:00

I onsdags dukkede Freysi, Abbi, Runar og Bjarne op i tårnet, de skulle spille indtil daggry. De var 5 stykkes i alt og derfor kunne ikke flere deltage denne gang. Freysi var meget sikker på at vinde fordi han havde en utrolig klog plan som han ønskede at vise de andre. Det gik ikke så slemt i starten for han, han fik nogle points og også en anelse penge. De andre fokuserede mere på øl, maltesers og hyggesnak. Spillet varede i lang tid, næsten alle fik muglighed til at tjene penge, råvarer og sejle dem til de rige. Da spillet var ved at være slut, pga. mangel af points, befand Abbi sig i en besværlig situation. Han kunne vælge mayor og give Freysi og Rúnar(eller var det Bjarne...ikke sikker) en colonist til deres store bygninger. Men han valgte at ikke tage mayor og så valgte governor Oli at sejle og så var spillet slut. Freysi og Runar(tror jeg) nåede ikke at aktivere deres store bygninger og kongen i tårnet vand spillet med 51 points. Men...hvis Abbi havde valgt mayor så havde Freysi helt sikkert vundet spillet, han havde i hvert fald fået 11 ekstra points og det ville have været nok, tror jeg.
Så var klokken 23:30, hele holdet smækfuldt af øl og chips, men vi havde ikke spillet nok. Derfor spillede vi igen.
Denne gang gik Oli's plan op, han købte en lille indigo fabrik og en lille sukker fabrik, en stor tobak fabrik og købte også en factory. Points fik han og også nok penge til at købe to store bygninger. Det var nok til at sejre igen, 48 points i alt. Jeg kan desværre ikke huske hvor mange points de andre fik, I må gerne tilføje det som kommentar...hvis I har lyst.
Som sagt, masser af dejlige øller løb igennem deres kropper:
Oli: Raasted Triple IPA, Brooklyn Imperial Stout(mmmm....), Karmeliet
Freysi: Troldhede påske og La Choulette påske
Bjarne: Kan-ikke-huske-navnet og en St. Bernardus påske
Abbi: Carlsberg, Kongens Bryghus Taffeløl
Runar: Cola

Spil og Bjór á midvikud. 19.3.2008?

2008-03-17T14:29:00.001+01:00

Eru menn til í spil á midvikudaginn 19.3.2008? Ég er bara svo eftir mig ad hafa ekki mátt vera med ykkur tharna á laugardaginn í Danaveldi ad ég bara má til. Ég bara verd ad fá ad prófa hina vellukkudu strategiu mína á Vigfúsi. Thad er jú the ultimate test :) Annars ætla ég ad einbeita mér meira ad bjórnum, páskabjórnum og er ad spá í ad smakka thá ófáa. En já hvad segidi kútar..spil og hver getur hýst spil (tengdó verdur í heimsókn hjá mér og thví erfitt ad spila í SigFreylandi)?. Melding hér..fyrstir melda fyrstir fá!

Dansk: Er der nogen som vil spile nu på onsdag den 19.3.2008? Spil og påskeøl! Og er der nogen som kan "hoste" spillet (jeg kan ikke pga fuldt hus af gæster). Tilmelding her på siden, de første 4 er ind ;)

Later dudes.

Spilageta vs Nördismi?

2008-03-16T10:03:00.004+01:00

Sælir strákar, ég rakst á rannsókn á netinu um daginn (man ekki hvar en það var í einhverju Nature blaði) sem fjallaði um samhengi þess að vegna vel í spilum og hversu mikið nörd maður er. Ég veit ekki alveg hvort það sé relevant hér en ég fór samt að skoða stöðuna. Einhvern vegin svona er staðan í dag (sjá súlurit). Hvað segir það þá um t.d. Krissa eða Bjarne? Það blundar líklega frekar lítill nördismi í þeim sem mér finnst nú passa vel bara. Ég er svona meðalnörd ef marka má þetta. Svo voru einhverjar óstaðfestar fréttir líka af samhengi nördisma og kynlífs...mikið nörd = lítið kynlíf sem aftur ýtir undir nördismann. Merkilegar rannsóknir hehehehe.

På dansk, kort version : Jeg fand en forskning der handlede om sammenhæng mellem nørdisme og hvordan man klarer sig i spil. Desuden var der noget om omvendt sammenhæng mellem nørdisme og hvad meget seks man får i livet. I følge af det så er for eksample Bjarne og Krissi ikke nørder men Freysi er mellemnørd ;)

MVH

Skuffelse

2008-03-14T09:20:00.002+01:00

Spillede Puerto Rico sammen med Bjarne, Freysi og Abbi i går aftes. Jeg fik lov til at starte fordi at jeg vandt sidste gang. Jeg og Bjarne gik i gang med indigo men Freysi lavede tobak og Abbi købte en kaffe fabrik. Bjarne stolede på sin gamle strategi og havde både en lille og en stor market. Jeg købte også en lille market og et lille varehus. Freysi prøvede at kobe en universitet og Abbi havde en stor market. Fra starten var der ingen tvivl om hvem ville vinde, Freysi fik masser af points og kunne også kobe en stor bygning som at gav ham endnu flere points. Men han passede godt på sit tobak og stjol det fra mig, eller valgte tobak så jeg ikke kunne vælge det. Bjarne prøvede også at drille mig lidt, men ingen gad forstyrre Freysi, nii.
Freysi ville selvfølgelig ikke indrømme at han førede og sagde at jeg ville vinde ;) Men da vi løb tør af points fand vi ud af at Freysi havde 52 points, Abbi og Bjarne 39 og ved I hvad...jeg lå på bunden med 38 points. Sur og skuffet, ydmyget i mit eget hus. Mobbet og drillet af de store drenge. Jeg gik i seng og blev nødt til at anerkende at jeg duer ikke til noget som helst.
Nah, det var måske ikke sa slemt ;)
Men vi drak nogle gode bajere, Freysi startede på en Påske Stenøl fra Thisted Bryggeri, en dejlig øl med masser af skum og sluttede med et Påsketrold fra Skagen. Abbi drak en Kings County fra Nørrebro og en Saison Påske fra GB. Jeg drak en åndsvag Råsted Påskeøl, uden skum, lugtede af græs, våd får ifølge Freysi og havde en særdeles mærkelig smag, ko afføring...vi var i hvert fald ude på landet, så åbnede jeg en Påske Bock fra Nørrebro, den var go'.
Som sagt, Freysi vandt, de andre tabede.
Der var en gang nogle fyre, de drak øl og spillede Puerto Rico-yre, ude er eventyr?

Danir taka þátt í fyrsta sinn í sögu spilaklúbbsins

2008-03-10T08:19:00.003+01:00

.
Sælir piltar, þar sem Óli okkar er í einhverju samúðarverkfalli með Writers Guilt, eða er bara með derring (veit maðurinn ekki að verkfalli er lokið) þá neyðist ég til að senda frá mér stuttan pistil. Við spiluðum semsé í gær, Ég, Óli, Kristoffer og Bjarne hinn danski. Nú eru held ég bara allir á Stavnsvej komnir inn í þetta spil. Alla vega, það gekk vel hjá nýliðanum sem lenti í 2. sæti með 55 stig eða svo, Krissi var á botninum og þar fyrir ofan koma undirritaður og sigurvegarinn Óli með hinn frábæra bjór Nøgne Ø God Påske sér við' hlið. Fínt spil!

Den danske version (lidt kortere), vi spillede i går, mig, Oli, Krissi og vores nye medlem Bjarne. Det gik godt for Bjarne som havnede i 2. plads med 55 points. Krissi var på bunden, Freysi i 3. plads og derfor er Oli vinderen med 59 points. Oli egner sin sejr til den fantastiske øl Nøgne Ø God Påske.

Saga af manni með stór plön!

2008-03-02T21:01:00.003+01:00

Hann stendur álútur á miðjum akrinum, vindurinn blæs í gegnum hár hans sem og akurinn sem gefur frá sér lágan þægilegan nið. Það er sól og heitt í veðri en hann stendur þarna óvarinn og hugsar. Hugsar stíft, hvernig verð ég ríkur og hvernig öðlast ég frama? Hann lítur upp, svitinn lekur niður ennið yfir fagur mótað andlit hans, hann horfir yfir land sitt, þar er ekkert að sjá nema órækt, svæði sem tilvalið væri að nýta betur. Gæti þetta verið lykillinn? Ræktun...er það málið? Hvað er best að rækta, hvað selst, hvað þrífst? Það er vandasamt að vita, kaffi er erfitt að eiga við en er hins vegar vinsælt um allan heim, kaffi er gull. Tóbakið er einnig dýrt og mun einfaldara í meðhöndlun en tóbak er óþverri en ætti honum ekki bara að vera sama, það er hann sem þarf að lifa og dafna? Maís, sykur og indigo er líka möguleiki en hvað með hveiti? Nei líklega ekki. Freysalingur sest niður á þúfu, hann er þungt hugsi, hann fiktar við flösku sem hann hefur meðferðis, flösku sem hann verslaði sér fyrir síðustu dublonurnar sínar, hann strýkur yfir merkimiðann...það mótar fyrir stöfunum North Bridge Extreeme. Flaskan er sveitt og þakin móðu. Hvað á hann að gera hann hefur aðeins eitt tækifæri enn. Freysi opnar flöskuna ummm, notalegur humallinn stígur upp úr flöskunni og gælir við sál hans, hann róast ögn við þetta. Svo er allt í einu eins og ljós hafi kviknað í dimmum huga Freysa, þarna var það auðvitað. Freysi stendur upp og horfir yfir tilvonandi plantekrur sínar. Hann fær sér sopa af bjórnum og tárast af gleði, gleði yfir því að vera kominn með áform en ekki síður yfir því hve óskaplega góður þessi undarlegi bjór frá Nørrebro Bryghus er. Já þetta verður gaman, en hvað er þetta? Yfir hæðina í fjarska má sjá skip nálgast eyjuna, Freysi bregður fyrir sér sjónaukanum....aðkomumenn, hvítir! SAMKEPPNI!!! Afhverju einmitt núna? Freysi lokar flöskunni og stekkur af stað, hann verður að hafa hraðann á, hann verður að vera fyrstur til þess að lifa af. Hann á aðeins 3 duplonur, enga vinnumenn og enga framleiðslu, hvað skal til bragðs taka? Hvenær verða mennirnir komnir og hvað verða þeir margir? Enginn veit en Freysi telur líklegt að baráttan hefjist um miðbik vikunnar. Það verður blóðugt!

Baráttan heldur áfram..óvænt úrslit!

2008-02-27T23:18:00.005+01:00

27. febrúar 2008. það er dimmt vetrarkvöld að dönskum stíl og vindurinn hamast úti fyrir. Við gamalt tréborð í skjóli frá veðrum og vindum sitja 4 menn og gera sig klára í ævintýralegt kvöld, þeir ætla að ferðast í huganum yfir höfin blá suður til Puerto Rico. Það er tími verslanna og viðskipta og ekki síst kænsku, hér gildir það að duga eða einfaldlega drepast. Sviðið er klárt, menn komnir með eina plantekru hver, mannlausa og ekkert eftir en að ráðast í þetta. Það ríkir gríðarleg spenna í mönnum þegar fyrsti maður, Krissi hinn hvíti lætur til skarar skríða. Glampinn frá kertaljósinu dansar í augum hans, hann er með áform, hann ætlar að sigra. Hjartað í Freysanum hamast, hann er einnig með plan, hann verður, hann ætlar, hann skal koma sér upp kaffiplantekru af suðuramerískum stíl, þéna smá pening og fjárfesta svo í kaffibrennslu. Já draumórakennd plön um að skapa eitthvað sérstakt, eitthvað einstakt, kaffiblöndu sem slær öllu öðru út. Freysi æltar að verða ríkur og vinsæll um allan hnöttinn. Áform keppinauta eru ekki jafn skýr en eitt er víst, allir ætla að sigra keppinauta sína. Krissi hefur leikinn með djörfu útspili sem skekur jörðina og um stund setur menn hljóða. Hvað hefur hann í hyggju? Næstur var það Freysinn sem velur hyggilega að sitja hjá...hann er að safna sér fyrir kaffibrennslunni. Rúnar og Vígafús sitja þöglir, það er ekkert hægt að lesa úr einbeittum andlitum þeirra, hvur eru þeirra áform? Það líður á spilið, menn skiptast á að vera ríkisstjórar á þessari fögru og dásamlegu eyju. Menn eru nokkuð góðir að koma sér upp auðævum og Freysinn fjárfestir í sinni fyrstu kaffibrennslu og skömmu síðar velur einhver landnema hlutverkið og kaffiplantekran verður að veruleika. Kaffiævintýrið er hafið. Freysi lítur stoltur yfir land sitt en verður það á að líta yfir skóginn til Vígafúsa sem situr líka með glænýja kaffibrennslu og ekru og það sem meira er, karlinn er með sykur-, korn-, og langt kominn með litarefnisframleiðslu að auki. Freysinn lítur þá yfir á hægri hönd og sér þar Krissa hinn hvíta. Erfitt er að átta sig á hvað sá maður er að gera en eitt er víst, þeldökkir landnemar hrúgast inn á skikann hans eins það sé enginn morgundagur. Já Krissi er með “hachienta” sem gerir honum kleift að planta þeldökkum landnema á plantekrur sínar að vild og skipa þeim að vinna....nú er það svart. Freysinn þorir varla en verður, hann lítur yfir hæðirnar beint fram þar sem Rúnar ræpa hefur sitt aðsetur, hvað lumar hann á. Í fyrstu er ekkert þar að sjá, reykur byrgir mönnum sín en svo allt í einu út úr móðunni má greina tóbaks akra svo langt sem augað eygði og ekki nóg með það heldur hafði Rúnar líka reist miklar og ljótar tóbaksverksmiðjur mitt í þessari annars fallegu paradís. Já Rúnar hafði valið hyggilega, hann var einráður í þessum geira, enginn hafði vogað sér út í tóbakið, enginn hafði haft samvisku í að stórgræða á jafn heilsuspillandi máta. Það lá við að maður skammaðist sín fyrir að vera manneskja.

Já svona gekk þetta , veldi Rúnars ræpu óx og óx og verslunarskip lágu eins og brú til meginlandsins drekkhlaðin eitrinu hans. Vígafúsi sat svo sem ekki auðum höndum á meðan, sá hafði rænu á því að pumpa út kaffi í gríð og erg og um leið senda vígamenn til að skemma uppskeru annarra. Oftast var það Freysinn sem lenti fyrir barðinu á þessum ósangjarna leik Vigfúsar...skamm Vigfús þú ert illur. Vigfús átti því stóran hluta í förmum verslunarskipa. En já Freysinn fékk samt stig, reisti, skrifstofu og svo höfn og nældi sér í stig með útflutningi korns, litarefnis og svo kaffi endrum og eins...en gæðakaffi samt sem áður. Eftir um tæpar tvær klst í þessum upphugsaða veruleika var öllu lokið, Freysinn valdi Major og kláraði þannig þrælalagerinn áður en Vígafús gæti komið þúsundum tunna af kaffi, korni, litarefni og sykri í skip. Leiknum var lokið, veruleikinn tók við. Hvernig fór svo já eftir spennandi talningu og ærandi þögn í um 5 mín voru úrslitin ráðin.

Krissi náði sér í 38 stig eða svo, Freysinn 43, Rúnar 46 og hvar haldiði svo að Vígafús hafi lent? Nei rangt, hann lenti í þriðja sæti með 40 stig. Já fínt spil, heldur stutt en það sem best er, strategían hans Freysa gekk upp

Ég er til í kvöld...hvað með þig?

2008-02-26T17:41:00.004+01:00

.
Ég er kominn með nýja strategiu sem mig langar að prófa...ertu game? Eigum við ekki svo að reynsluaka Abba? Ég er amk til í kvöld já há! Veiiii!!!

Línuleg bestun par exellance

2008-02-25T11:35:00.002+01:00

Vildi bara koma því á framfæri að í síðasta Puerto Rico spili, sem fór fram í Freysalundi, þá náði Ólafur hinn góði þeim árangri að hala inn 60 vinningsstigum. 38 stig hafði hann á hendi, 14 í borði og nældi sér í 8 aukastig í lokin. Þetta væri svo sem ekki í frásögur færandi nema út af því að hann er einmitt nýbyrjaður í spennandi kúrs sem kallast "Línuleg bestun" á okkar ylhýra og ægifagra. Þar lærir hann hvernig maður getur hámarkað hagnað, eða lágmarkað kostnað með því að setja fram nokkrar ójöfnur. Í þessum kúrs er simplex reikniritið kynnt en það er hægt að nota til að "besta" ýmiskonar verkefni. Eitt af þessum verkefnum gæti verið að hámarka fjölda vinningsstiga með því að taka tillit til hversu mikið af peningum maður á, úrval bygginga á hverjum tíma, magn hráefnis sem maður hefur, framleiðslugeta o.s.frv. En hann er hinsvegar svo takmarkaður að hann gæti ómögulega notað þessa litlu vitneskju sem hann hefur til að beita henni í spilinu...eða hvað?
Ólafur vill koma því á framfæri að hann hyggst leggja skóna á hilluna, hætta á toppnum og getur því aldrei spilað Puerto Rico aftur.
Óli "sextíu" Helgi.

Reynsluboltinn og nýliðinn

2008-02-23T21:47:00.003+01:00

Í gærkvöldi var aldeilis tekin gott rennsli á nýja Puerto Rico spilinu. Mættir voru Vigfús, Atli, Freysi, Rúnar og undirritaður. Staðsetning, 142, sem núna heitir Atlavík. Atli hafði reyndar ekki spilað spilið fyrr þannig að við fórum rólega en örugglega af stað. Augum allra var beint að Illa og menn voru ansi varir um sig til að byrja með. Vigfús var duglegur að upplýsa Atla um helstu brellurnar í leiknum á meðan mótspilararnir ræddu um allt á milli himins og jarðar, Þorberg, NBA, tímgun, rafgeyma, Nörrebro brugghúsið og fleira. Þegar að leið á spilið tókst Vigfúsi að koma sér í þægilega stöðu, Atli var ennþá blautur á bakvið eyrun, undirritaður gerði stórmistök og hundsaði kornið alveg frá upphafi og Rúnar og Freysi reyndu hvað þeir gátu að halda í við Vigfús. En allt kom fyrir ekki, þegar uppi var staðið tókst undirrituðum að gera upp á bak, Atli lenti í næstneðsta, Vigfús vann afgerandi sigur með 50+ stig, Rúnar náði held ég öðru sætinu og Freysi því þriðja. En merkilegt nokk, klukkan var ekki orðin 04:55 og við vorum ekki búnir að drekka frá okkur öll vit þ.a. við töldum að það væri vel við hæfi að taka annað spil. Við endurnýjuðum bjórbirgðirnar, undirritaður tókst að klára allra síðustu jólabjórana þetta kvöldið og Rúnar náði í "kassann". Þá hófst nýtt spil, allir endurnærðir og undirritaður náði að skola það mesta af skítnum af bakinu áður en hann settist aftur niður við spilaborðið. Í þessu spili náði Rúnar góðum hreðjartökum á mótspilurunum, undirritaður var einnig í fínum málum og það sama má segja um Vigfús. Freysinn var ekki skarpasti hnífurinn í skúffunni að þessu sinni en Atli náði að spila vel úr því sem hann hafði og nældi sér í tvær stórar byggingar þrátt fyrir að mótspilarar hans vildu meina að það væri ekki ráðlagt. En það reyndist vera happadrjúgt hjá kallinum því að hann gerði sér lítið fyrir og hirti sinn fyrsta sigur með 52 stigum! Undirritaður var ansi nálægt honum með 51 stig, en varð að sætta sig við annað sætið. Rúnar tók held ég 3. sætið, næstur Vigfús en Freysi endaði í síðasta sæti að þessu sinni.
Þetta var prýðileg skemmtun og Puerto Rico spilið kemur mjög sterkt inn. Nú þurfum við bara að koma Abba og Krissa inn í spilið, þeir koma ábyggilega sterkir inn.
Varðandi ölið sem að kallarnir renndu niður þá mætti Freysi með GB saison páskabjór, undirritaður tók einn Youngs Pudding Ale og smá jóla Tuborg, Atli drakk grænt og Vigfús var með...Royal? Kassinn hans Rúnars inniheldur sífellt færri rauða og brúna Royal.
Ég þakka þeim sem lásu.
Óli Helgi.

Hið nýja spil Puerto Rico

2008-02-22T09:16:00.002+01:00

Já nú erum við farnir að spila nýtt spil svona til að hvíla Catan aðeins. Við erum búnir að prófa tvö spil eins og glögglega má sjá á stigatöflunni. Fyrsta spilið var prufuspil og vorum við 4. Rúnar vann en það verður víst ekki tekið með í stigatöflu. Næsta spil var svo hérna í SigFreylandi og vann Freysinn á heimavelli. Þetta er bara ljómandi gott spil og kærkomin hvíld frá Catan. Hér er ekki heppni heldur kænska sem ræður þannig að nú eru meiri líkur á að sigra hinn ógurlega Vígafúsa! Vonandi tekst að smala saman í 5 manna Puerto sem fyrst....hmmm t.d. í kvöld?

Einhversstaðar, einhverntímann aftur!

2008-01-31T21:23:00.000+01:00

Já, ég er að verða uppurinn með þessa annars ágætu titla á þessa annars prýðilegu síðu. En að kvöldi þrítugastaogfyrsta dags janúar mánaðar, anno 2008, tóku hressir kappar í spil. Ástæðan var sviplegur missir bjórklúbbsins Kidda og íbúðasamsteypunnar Stavns, Eiríkur hefur ákveðið að flýja land. Samfélagið, grundvöllur þess sem gott er í heiminum, hið ljósa man, hjartað rifið úr og ekkert eftir nema svöðusár og einmanna sál sem bíður dauðans. Lítill skógarþröstur syngur, dirrindí, dirrindí er sprengjan lemur jörðina.
Jæja, þetta er e.t.v. full dramatískt.
En sem sagt, mættir voru, undirritaður, Eiki, Vigfús, Krissi og Abbi. 5 manna spil sem þýðir að Eiki siglir af landi brott með 6 manna kórónuna. Endurtekur afrek Jóa Guð og fullkomnar niðurlæginguna á mótspilurunum.
Er spilið hófst lagði Abbi fyrst niður, Eiki síðast, Vigfús næstsíðast. Vigfús spilaði djarft, stólaði á lítið hús á byggreit með sexu, og höll á rolluþrist, járnáttu og járn fjarka. Þá vorum við allir sammála, "þetta er búið". Fyrst að við skildum ekkert í því hvað hann var að gera þá hlýtur það að vera rosa klókt. Það reyndist vera raunin.
Fyrsta umferð endaði með því að Vigfús var kominn með 2 borgir og okkur tókst ekki að verja eyjuna. Vigfús komst því í prýðilega stöðu en náði sér ekki alveg á flug. Hann nældi sér fljótlega í boga yfir borgina sína og passaði sig þá á því að vera ekkert að kaupa riddara, allt í lagi þó svo að við verjum ekkert eyjuna, múhahahahaha! Þá tóku mótspilarar hans sig saman, mynduðu eldsnöggt meirihluta, og björguðu borgunum sínum frá falli. Krissi og Eiki komust einnig vel innn í spilið, Abbi og undirritaður voru meira að spá í boltann. Borgir risu, stigin streymdu inn, verslunarvörur, flettingar, riddarastuldur og undir lokin þá var búið að fletta öllu í botn. Hefst þá saga Arnbjarnar. Með blævæng eins og hefðafrú á leið um Afríku að skoða nýlendurnar sínar, henti hann upp hverri borginni á fætur annarri og nældi sér í heil 15 stig og nokkuð sáttur. En þá kunngerði lýðurinn að í þetta skipti hefðum við ákveðið að spila upp í 16 stig, þá rann af honum gleðin. Ólafur tók við, byggði og sigldi, náði alveg upp í 14 stig og hætti. Krissi gerði, Óli náði þá í 16 stig og þá var komið að Vigfúsi. Hann dró upp gríðarlegan fjölda af spilum, hirti vegakerfið, byggði borg og með því, spilið búið, málið dautt!
Já, hann gerði það enn eina ferðina. Undirritaður vill þó meina að hann hafi hamast duglega á honum í þetta skiptið. En stundum er það ekki nóg, stundum þarf eitthvað aðeins meira.
En skemmtilegt spil, jafnt og mikið fjör.
Sigurbjórinn tel ég að sé Leffe Brune, stór. Eiki kom með 2 skemmtilega kalla, frá Kongens Brughus, Langfartsøl og Gåse Hvid. Undirritaður tók nokkra jólakalla, Rosey Nosey, Nils Oscar og Fanø jólabjóra.
Þangað til næst, Óli í turninum.

Groundhog Day

2007-11-14T22:14:00.000+01:00

Eftir alltof langa pásu hittist Catan hópurinn aftur, það liðu yfir 50 dagar á milli spila og það má aldrei gerast aftur. Eikinn var mættur aftur úr Catan æfingabúðum í Nepal og því var tilvalið að smala saman í spil. Arnbjörn og Krissi sáu sér ekki fært á að mæta og því náðum við í 5 manna spil, Óli, Vigfús, Rúnar, Freysi og 6 manna meistarinn Eiki. Að þessu sinni var spilað á Vígastöðum. Aðstæður voru til fyrirmyndar, haustið komið, napurt úti, veitingarnar í toppklassa og góður andi yfir strákunum!
Og þá hófust leikarnir. Freysi var svo heppinn að mega byrja og var þar af leiðandi búinn að tapa þessu spili. Vigfús, Rúnar og Óli komu sér ágætlega fyrir en Eiki var ekki alveg að dansa, átti kannski ekki besta upphafsleikinn á tímabilinu. Drengirnir byrjuðu á því að missa allar borgirnar í fyrstu umferð, tómt kæruleysi í gangi og engir riddarar í boði. Þegar leið á spilið náðu menn að koma aftur upp borgum og Vigfús og Freysi voru með fínar stöður, Rúnar og Óli ekki langt á eftir en Eiki var ekkert að stressa sig á þessu, tók því bara rólega. Bilið jókst þegar leið á og Freysi átti 1-2 stig á hann Vigfús þegar að þeir voru að skríða yfir 10 stig. Þá tóku sumir upp á því að angra Freysalinginn, vildu nú ekki leyfa honum að vinna spilið án þess að fá smá bögg. Þá reis Vigfús upp eins og Fönixinn! Allt í einu sáu mótspilarar hans ofsafengna krafta hans og útsjónasemi í þessu spili! Borgirnar risu hver á eftir annarri! Bæir og vegakerfi! Skip og borgarmúrar! Einfaldir, tvöfaldir og þrefaldir riddarar svo langt sem augað eygir! Freysi margítrekaði hina gullnu reglu, Vigfús vinnur alltaf ekki nema við hömumst á honum eins og Energizer kanínur. En það var orðið of seint. Allt var runnið fyrir gýg. Enn og aftur halaði hann inn sigur, frækinn sigur, niðurlægði mótherjana en það þorði enginn að segja neitt af því að hann var á heimavelli.
Þetta er farið að minna mig á myndina Groundhog Day með Bill Murray.
Óli Helgi.

Afmæli og Catan

2007-09-26T22:00:00.000+02:00

Eftir langt og gott sumarfrí tókst að smala saman í Catan spil í Dómarahorninu hjá Rúnari. Það vildi svo skemmtilega til að Rúnar átti afmæli um svipað leyti og því var ákveðið að slá tvær flugur í einu höggi, hylla afmælisdrenginn og spila Catan. Það var því ekki í kothús komið þegar að drengirnir tóku að streyma inn, ilmandi mexikósk stemmning í eldhúsinu og Freysalingurinn klyfjaður af stórkostlegu gæðaöli. Eftir einn léttan öl og þegar að Rúnar var búinn að rífa utan af pökkunum þá var setist að snæðingi. Drengirnir átu eins og það væri enginn morgundagur og þeir allra hörðustu skófluðu í sig franskri súkkulaðitertu a la Hugrún, tær snilld.
Þá tók alvaran við! Freysi reif tappana úr flöskunum. Þemað þetta kvöld var "Norræn örbrugghús", nánar tiltekið Norrebro Pacific Summer Ale, sænskur IPA, Mikkeller Monk's Elixir og Nogne O Stout. Stórkostlegir bjórar en undirritaður varð mest hrifinn af sumarölinu frá Norrebro og munka elixirnum frá Mikkeller, frábærir bjórar.
Hófst þá spilið. Þáttakendur að þessu sinni voru Óli, Eiki, Vigfús, Freysi, Rúnar og Krissi og Atli spiluðu tvenndarleik. 6 manna kóngurinn Abbi mætti ekki. Freysi byrjaði, bölvaði því dálítið, og Vigfús setti síðastur niður. Spilið búið? Margur myndi halda það. En allir stilltu frekar hefðbundið upp nema Krissi og Atli stóluðu á timbur og timburhöfn og Eiki tók á rás beint út í eyju. Spilið var nokkuð jafnt, allir fengu sín tækifæri, allir misstu upphafsborgirnar sínar einhvern tímann í spilinu. Loftið var rafmagnað, ölið flæddi um skrokkinn og oxaðist saman við mexikóska og franska sveiflu úr eldhúsinu. Allt í einu, pólskipti! Allt svart! Gibson fann hvernig lífið rann úr greipum hans þegar hann heyrði rödd Elisu fjarlægjast, myndi hann nokkurn tímann sjá hana aftur? Örvænting. Hvernig komst hann í þessa aðstöðu? Voru það tengsl hans við Stasi eða einhver fjarlægur atburður í æsku hans? Úff, datt aðeins út þarna! En eftir nokkuð mas þá komst Eiki í lykilstöðu úti í eyju, Vigfús var skæður, Krissi og Atli mokuðu inn hráefni. En allt kom fyrir ekki, Eiki kom sterkur inn eftir langt frí frá Stavnsvej og kláraði spilið með stæl! Mótherjar hans voru gáttaðir á herkænsku hans og voru vissir á því að hann var búinn að vera í stífum æfingabúðum hjá Hr. Klaus Teuber í allt sumar. Eða þá hann neytti ólöglegra lyfja, hann var nú með einhverja samansuðu í dós sem hann mokaði í sig, hver veit?
En nú er Eiki aftur farinn frá Stavnsvej og eftir sitja gáttaðir spilarar, hvað fór úrskeiðis? Hverjum er um að kenna? Mun Gibson aftur finna Elisu sína? Það kemur í ljós í næsta spili.

Endalokin

2007-08-15T11:04:00.000+02:00

Jæja já. Það hlaut að koma að því. Hr. Jóhann Guðjónsson spilaði sitt síðasta Catan spil á Stavnsvej í gærkvöldi. Mótherjar hans voru Óli, Krissi, Abbi og Illi.
Vigfús fékk að leggja niður síðastur og lagði að sjálfsögðu upp með gríðarlega strategíu sem samanstóð af ógurlegu magni af byggi og bygghöfn. Aðrir lögðu nokkuð handahófskennt niður, en Jói plantaði sér inní skóg. Í byrjun spilsins náði Illi góðu forskoti á okkur hina, það kom svo sem ekki á óvart, en mótherjar hans voru vel með á nótunum og reyndu hvað eftir annað að loka á reitina hans og "djöflast á honum". Þegar að Vigfús var kominn með 15 stig og spilaði út gullgerðarmanninum þá héldu nú allir að þetta væri nú búið. En Abbi sá við honum og henti út sínum eigin gullgerðarmanni og kom í veg fyrir að Illi myndi klára spilið. Nokkru seinna hirti Krissi vegakerfið af honum og vesalings Vigfús var kominn í 13 stig. Hefst þá sigurganga Jóhanns. Hann nældi sér í timburhöfn og mokaði út timbrinu, fletti eins og óður maður, notaði borgaruppbyggingu tvisvar í sama kastinu, og var kominn í sæmilega stöðu. Því næst slógust þessir tveir kappar um stigin, kaupahéðinn flaug fram og til baka, ógurlegt magn riddara var byggt bara til þess eins að næla sér í fleiri stig. Undir lokin átti Illi bara eftir helling af reitum með 3 og 11, einstaka með 4 og 5, einn með 8 sem var nánast alltaf lokaður og átti því litla möguleika til að fá hráefni. Jói gekk á lagið, hirti alla gullbogana og kláraði spilið með glæsilbrag.
Já, svona endaði saga Jóa Guð í Catan á Stavnsvej. Í lokin miðlaði hann reynslu sinni með hinum grænjöxlunum, gaf okkur tips og góð ráð.
Mikið magn af góðu öli var drukkið um kvöldið en Jói drakk hinsvegar bara Bacardi Breezer, með ferskjubragði. Neeee, varla.
Óli: Carls og Wintercoat IPA
Abbi: Carls, London Porter, Duvel
Krissi: Tuborg, Royal Hvede, man ekki alveg restina
Vigfús: Carls, Guinness
Jóhann: Carls, St. Feuillien Trippel(75 cl), Leffe Brune(75 cl), Erdinger Champ, Hoegarden, Chattemellien (eða eitthvað í þá áttina, hollenskur, helv. fínn)
Jói var duglegur að skola niður ölinu, og Abbi stóð sig líka vel. Undir lok spilsins þegar að hann var kominn með fullt glas af Duvel ákvað hann að hella restinni í glasið (eins og maður gerir vanalega með bjór) en þá umpólaðist Djöfullinn gjörsamlega og belgíska gæðaölið flæddi um allt. Jóhann rauk upp og greip glasið og færði það í burtu, hinir sátu alveg gáttaðir og skildu ekki hvernig þetta gat gerst. En það er skemmtilegt að akkúrat þetta skyldi henda akkúrat hann Abba, og ennþá skemmtilegra að húsráðandinn í Varðturninum sé með plastdúk yfir borðinu ;)
Ég þakka þeim sem hlýddu, eða lásu.

Igen og igen...

2007-07-18T21:22:00.001+02:00

Að kvöldi 17. júlí gerðu 4 Catan áhangendur sér góða kvöldstund og settust niður við spil í Varðturninum hjá Óla og Dagnýju. Mættir voru Ólafur, Arnbjörn, Jóhann og Vigfús. Krissi komst ómögulega og Freyr og Rúnar voru fjarverandi.
Gestgjafinn reyndi eins og hann gat að halda í hefðirnar og sullaði í Catan dýfu með nachos og keypti kassavís af Maltesers. Bjórbirgðirnar voru eitthvað á þessa leið:

Ólafur: Tuborg Hvid, Royal Classic, Midtfynsk IPA, Raasted IPA
Jói: Carlsberg, Hoegarden, Leffe
Arnbjörn: Becks, London Pride og annar lager sem ég man ekki hvað heitir
Vigfús: Tuborg venjulegur og Classic

Það voru spiluð tvö spil, eitt stutt og laggott og annað langt og spennandi.
Fyrra spilið var aldrei spurning, Vigfús lagði síðastur niður borg og bæ og hann lagði upp með kornhöfn og kom sér vel fyrir yst á kornhafi sem samanstóð af 3 kornreitum. Jóhann og Arnbjörn náðu þó ágætis árangri en Illi rauk fram úr öllum og náði 18 stigum á mettíma. Enginn missti borg í þessu spili sem að einkenndist af bræðralagi og umhyggju. Vigfús henti aldrei frá sér spili þrátt fyrir að hafa gríðarlegan blævæng þegar röðin kom að honum. Þá aus hann út korninu byggði sér borgir og bæi, og var nánast óstöðvandi. Mótspilarar hans fylltust lotningu, fylgdust með honum og reyndu að læra eitthvað af þessum ósköpum.
Sigurbjórinn fyrir þetta spil hefur sennilega verið einfaldur Tuborg grænn.
Seinna spilið var öllu merkilegra. Vigfús tók að vísu vel af stað en Jóhann fylgdi honum hvert fótmál. Ólafur og Arnbjörn voru orðnir hálffúllir en reyndu að standa í keppinautunum. Jóhann og Vigfús komu sér þægilega fyrir út í eyjum en hinir tveir héldu sig á meginlandinu. Svo hljóp aðeins á snærið hjá Ólafi og hann náði skyndilega að skjótast upp í 15 stig. Þá tóku mótspilarar hans skyndilega að beina spjótum sínum að honum, rændu frá honum riddara, stálu spilunum hans, settu biskupinn á uppáhaldsreitinn hans og annað álíka sem að í daglegu tali kallast einelti. Ekki einelti á vinnustað, ekki einelti í skóla heldur bara einelti í hans eigin húsi! Maltesers skálin skipti um eigendur og Ólafi datt helst í hug að reka þessa rudda út! En nei, hvað gerist þá? Allt í einu byggir Vigfús sér borg og bæ, nælir sér í lengsta vegakerfið af Arnbirni og vinnur spilið, takk fyrir túkall! Enn eina ferðina gleymist að berja á Illa, Golíat traðkar ofan á Davíð, King Kong klárar spilið, Hulk ber á brjóst sér, hið illa sigrar að lokum.
Ætli sigurbjórinn hafi ekki verið Tuborg Classic.
Undirritaður ályktar að fjarvera Freysa hafi orðið til þess að Illi vann í bæði skiptin. Hann er duglegur að benda á hættuna sem að stafar af Illa og það gerði útslagið í þetta skiptið...og svo kannski tölurnar sem að komu upp á teningunum...og svo kannski eitthvað með strategíu...
Undirritaður gerði einnig smá tilraun í seinna spilinu, skráði niður hvaða tölur komu upp á teningunum til að athuga hvort að tölur kvöldsins væru eitthvað langt frá því sem að telst eðlilegt. Okkur fannst nokkrar tölur koma ansi oft upp og niðurstöðurnar eru eftirfarandi:

tala í spili almennt
2    3,06    2,78
3    7,14    5,56
4    8,16    8,33
5    12,24   11,11
6    14,29   13,89
7    15,31   16,67
8    14,29   13,89
9    11,22   11,11
10   5,1     8,33
11   7,14    5,56
12   2,04    2,78

Ætli 3 og 11 séu ekki sigurvegarar kvöldsins og 10 kom ekki vel út. En þetta var nú meira bara í gamni gert og vissulega náði ég ekki að skrá allar tölurnar niður. Ég tók líka saman hversu oft skipið kom og það gerðist í 57,14% tilfella, ekki var mikill munur á gula, bláa og græna kastalanum, frá 10%-14,3%.

Hér má sjá stöðuna eftir fyrra spilið, Vigfús var hvítur, bendi á borgirnar tvær á kornreitunum.

Hér er svo önnur mynd úr seinna spilinu, hér leggur Arnbjörn niður bæ á skemmtilegum stað.

Arnbjörn leikur hér, Illi og Jói fylgjast spenntir með. Bendi á sigurstigin 3 á borðinu, þau tilheyra gestgjafanum.
En sem sagt, Vigfús sigurvegari kvöldsins, hinir töpuðu...þannig er það.

Þá er það búið!

2007-06-24T21:24:00.000+02:00

Jabbs, síðasta Catan spil með stofnendum Catanklúbbs Kidda er búið. Við Rúnar förum til Íslands núna á miðvikudaginn og Jói verður alfarinn þegar við komum aftur. Spilið í gær var með hefðbundnu sniði og lauk með sigri Abbans og Carlsberg. Jámm, mér gekk svo sem ekki vel og í raun má segja að um sögulega slæmt gengi hafi verið að ræða því aldrei í fyrr held ég hefur nokkur maður fengið eins sjaldan og lítið af hráefnum. Þetta var því afar leiðinlegt spil og sér í lagi í ljósi þess að það verður aldrei endurtekið með sama hóp manna. En ég vil bara þakka Jóa Guð fyrir framúrskarandi gott gengi og skemmtilega spilamennsku það sem af er ári. Jói er góður karl og veit nákvæmlega hvernig á að vinna þetta spil. 3 sigrar á árinu og allir með belgískan eðalbjór við hönd. Þetta verður að teljast gott gengi (amk betra en hjá sumum fíflunum hehehe ). Ég vil svo bara enda þetta með því að segja bless bless Jói minn og bakkus veri með þér já og alveg í lokin "flottar buxur Jói!"

Helgin

2007-06-21T17:39:00.000+02:00

Föstudagur eða laugardagur?
Hvar?

Comment í dag fimmtudag.

Gamli góði kjarninn?

2007-06-16T13:09:00.000+02:00

.
Já strákar þetta var nú ansi skemmtilegt og langt spil núna síðast. Held næstum að við höfum sett met þarna. Sá illi snéri aftur og var nærri búinn að hrifsa til sín völdin af Eika en sá lét ekki bugast og endaði loks sem sigurvegari rétt um kl 2:00. Eiki varði því krúnuna og má því áfram teljast réttmætur konungur Catan. Freysinn hefði samt mátt taka þetta en hinn Illi sá sko sannarlega til þess að hann átti aldrei séns. Þó svo að Freysinn hafi endað með flestar hallir (7 kvikindi) þá vantaði töluvert uppá innkomu og stig til að hafa þetta. Jói Guð var hins vegar ansi nálægt þessu líka eins og vanalega en samt sá sá Illi sér ekki ástæðu til að gera neitt við því. Hef karlinn grunaðan um að taka því illa þegar ég hamast á honum. Ég vil þó meina að eðlilegt sé að menn styðjist við tölfræðina og reyni að hindra velgengni þeirra sem teljast lang líklegastir til sigurs. Þannig er það amk í blessuðum boltanum (eitthvað sem þið skiljið strákar) en þar eru menn teknir úr umferð sem teljast ógn eða hvað? Heheheh já Freysinn smá bitur en ekkert alvarlega, sáttur við að Vigfús hinn illi tók ekki 4. sigurinn á árinu (mínu markmiði náð amk í þessu spili). Lítið sást svo til Krissa the White og var heldur lágt á honum risið að þessu sinni. Sama má segja um Óla sem þó átti ágætar rispur en sökum ölvÚnar var frekar rólegt á þeim bæ mest allt spilið. Eitthvað hefur piltur sá skammast sín því ekkert hefur spurst til hans síðan spilað var en óstaðfestar fregnir herma að Óli sé nú á Íslandi að sleikja sár sín.

En já komum nú að því sem ég ætlaði að tala um :) Ég var að spá...mig langar svoooo mikið til að við tækjum eitt spil enn fyrir heimferð mína þann 27. Þá væri gaman að taka síðasta spilið með gamla góða kjarnanum (stofnendum) þeim Jóa, Rúnari, Fúsa, og Freysaling ásamt tveim heppnum úr röðum nýrra spilara. Jói fer heim í sumar og þar með verður aldrei hægt að endurtaka þetta. Hvað segja menn?